Verstöðin í norðanroki

Það er norðan þræsingur núna en ekki þannig að til vandræða horfi. Enhver fiskikör fuku í morgun við höfnina. En af fiskikörum er nóg í Eyjum.

Umræðan um gagnaver í Reykjanesbæ, sýnir vel tvískinnung stjórnvalda. Hrunvaldur einn, sem hagnaðist að sögn af því að brugga bjór ofaní fallna kommúnista austur í Garðaríki, skal fá tíundar afslátt. Hrunvaldur þessi keypti banka af Ríkinu uppá krít í öðrum banka. Baðst svo undan að borga vegna auraleysis. Kemur svo skeiðandi á hvítum hesti með fullar hendur fjár, eins og frelsarinn sjálfur.

Nýbúinn að mergsjúga saklausa Tjalla og Flæmingja, einungis til að geta haldið sukkinu áfram. Og enginn getur svarað hvar auðævin eru falin. Barbabrella.

Á meðan hrunvaldur leikur lausum hala og fær afslætti hægri vinstri, leggur Ríkið til afnám skattaafsláttar sjómanna. Enda eru þeir engir hrunverjar og moka ekki aurum á ,,rétta'' staði

Athugasemdir

[Helgi Þór Gunnarsson, 21.12.2009 kl. 05:47]

Sæll Valmundur, mikið er ég sammála þér, ég þarf ekki að hafa fleiri orð um það í bili.

Kær kveðja.