Loðnufréttir og fleira.

Moren.

Senn lýkur loðnuvertíð 2012. Eyjaútgerðirnar VSV og Ísfélag eiga sirka tvo túra á skip eftir. Þeir ná því strákarnir trúi ég. Sá umræður á facebook í gær um tekjur sjómanna. Einn landkrabbi hélt því fram að sjómenn hefðu alltof miklar tekjur fyrir að vera á sjó helminginn af árinu. Á móti kom spurning til landkrabbans; vinnur þú frá níu til fimm? Já svarar landkrabbinn.

Þá ertu bara í 33% vinnu miðað við viðveru á vinnustað og eru þá helgarfríin ekki tekin inn í.

Margir komu inn í gær undan brælunni. Þórunn var með 95 tonn. Dala-Rafn, Stígandi, Bergey, Drangavík, Smáey, allir með þokkalegan afla 40-75 tonn. Vestmannaey er með bilaðan gír og er stopp í tvær vikur. Netabátarnir gera það gott þegar gefur, sá guli er mættur í kjölfarið á loðnunni. Og engir smá slápar, maður lifandi.

Athugasemdir

[Sigmar Þór Sveinbjörnsson, 8.3.2012 kl. 21:28]

Heill og sæll Valmundur, takk fyrir fréttir af sjó og sjómönnum.

Það hefur alla tíð verið tíundað þegar sjómenn hafa haft góðar tekjur, en sjaldan eða aldrei neft þegar illa gengur.Sjómenn hafa ekki verið övundsverðir af vinnu sinni eins og veður hafa verið í vetur, þeir eiga skilið hverja krónu sem þeir fá fyrir vinnu sína á sjónum.

Kær kveðja

[Valmundur Valmundsson, 8.3.2012 kl. 21:56]

Sæll Simmi og takk fyrir innlitið

Hverju orði sannara hjá þér.