Eyjamenn í fjötrum Vegagerðar.

Moren.

Gullberg er að landa sínum skammti um 80 tonnum held ég. Sighvatur er að bíða eftir að Kap klári að landa. Júppi er á leiðinni með 800 tonn og á einn túr eftir. Álsey farin á loðnu. Þorsteinn landaði 1750 tonnum af loðnu á Þórshöfn um helgina. Sigurður kastar og kastar en lítið fæst í nótina ennþá.

Jæja. Ef við hjónin ætlum uppá land á okkar fjölskyldubíl og til baka, verðum við að reiða fram kr. 11.016- að lágmarki ef siglt er á Þorlákshöfn. Þá er ekki tekinn klefi og við erum með afsláttarkort.

Ef við hefðum þjóðveg á milli og við myndum keyra þessa 50 km. þá væri bensínkostnaðurinn á mínum bíl kr. 2500 og við bætum 1000 kali við í viðhald bílsins. Semsagt 3500 kall að keyra þessa leið fram og til baka ef einhver væri vegurinn. Nú er Herjólfur okkar þjóðvegur þannig að við ætlumst til þess að greiða raunverð fyrir þennan spotta en ekki tæplega þrefalt eins og við gerum núna.

Vegagerðin ræður verðlagningunni á þessum ,,þjóðvegi" og enginn virðist geta lagt neitt til málanna um sanngjarnt gjald fyrir þennan spotta. Alvaldurinn segir að svona sé þetta og svona verði þetta. Ef einhver olíufursti prumpar eða Bónus hækkar matvöruna þá kemur Vegagerðin og hækkar í Herjólf.

Ég er alveg tilbúinn að greiða 3500 kall fram og til baka fyrir bílinn. Það á að nægja Vegagerðinni. Skítt og laggó hvernig menn reikna sig á hausinn fram og aftur. Við eigum heimtingu á því að sitja við sama borð og aðrir landsmenn. Frítt fyrir fólkið nema kojurnar. Aðvitað greiðum við fyrir þær ef við viljum leggja okkur á leiðinni.

Í raun gildir það sama um Landeyjahöfn ef við miðum við hve langt er þangað og jafnvel má halda því fram að með sömu forsendum sé dýrara að ,,keyra" þangað.

Athugasemdir

[Valmundur Valmundsson, 21.11.2011 kl. 17:39]

Sorry á að vera 11.016 kr fram og til baka með afslætti.

[Gísli Foster Hjartarson, 21.11.2011 kl. 18:22]

Góður - Verð að segja Valmundur að mér þykir með hreinum ólíkindum að menn hafi þessi 2 verð í gangi með ferjunni. Af því að menn geta ekki haldið Landeyjahöfn opinni - ja eða klárað hana - og þurfa þvíað sigla til Þorló þá þurfum við að borga margfalt meira. Bara grín ef þu spyrð mig. Að pólitíkin skuli ekki hafa spyrnt kröftugar við fótum í þessu mál er með miklum ólíkindum. Þetta er helv blóðugt. Já ég sé ekkert að þvíað borga extra fyrir kojurnar, maður gerir það fyrir Saga-Class ;-)   ....verðum við ekki að berja fastar í borðið varðandi þetta - eða þarf að berja einhvern til að hafa þetta í gegn?

[Valmundur Valmundsson, 21.11.2011 kl. 19:33]

Já Gilli þetta er mjög furðuleg hagfræði sem er í gangi. Ekki vil ég nú berja neinn, en mér finnst að nokkrir aðilar skuldi okkur skýringar á þessu bulli. Og ég meina alvöru skýringar. Ekki exel skjöl um rekstrarkostnað, hann kemur okkur, hinum almenna notenda ,,þjóðvegarins" ekki við.