Fiskur á fati.

Moren.

Nú eru nokkrir að landa. Þórunn er með 110 tonn og Vídalín með eitthvað svipað. Dala-Rafn og Smáey með sitthvor 30 tonnin. Álsey er rétt ókomin með 800 tonn af síld. Lítið eftir af síldinni og klárast líklega í næstu viku.

Nú hafa vélstjórar á Herjólfi boðað verkföll um helgar allan desember. Ekki er ábætandi með ástandið á samgöngum við Vestmannaeyjar. En þetta er eina vopn launamanna í baráttu fyrir bættum kjörum. Talandi um kjörin þá eru hér kröfur SSÍ til LÍÚ.

Skerðing sjómannasfsláttar verði bætt.

Allur afli verði seldur um fiskmarkaði eða verð tengd við afurðaverð.

Olíuviðmiðun verði afnumin.

Skiptimannakerfið verði endurskoðað með tilliti til veikindaréttar o.fl.

Heildarverðmæti VS afla komi til skipta sbr. kjarasamning.

Framlag frá útgerð í starfsmennta- og endurhæfningarsjóði.

Tryggð verði ein fríhelgi í mánuði á togveiðum.

Frí við löndun á öllum veiðum.

Þrengja eða afnema nýsmíðaákvæðið.

Orlof miðist við starfsaldur á sjó.

Fæðispeningar endurskoðaðir örar en nú er.

Og ýmislegt fleira sem of langt yrði að telja upp.

Minni svo á BJARTMAR í Alþýðuhúsinu á laugardaginn kl. 21:00

Athugasemdir

[Níels A. Ársælsson., 18.11.2011 kl. 23:42]

Sæll Valmundur.

Fjárhagslegur aðskilnaður veiða og vinnslu og allan fisk á markað er forsendan sem öll sjávarþorp kalla eftir til framtíðar.

Kv, Nilli.

[Valmundur Valmundsson, 19.11.2011 kl. 14:26]

Með því að selja allan fisk á frjálsum markaði verða veiðar og vinnsla aðskildar.

[Níels A. Ársælsson., 19.11.2011 kl. 21:28]

Nei það er engin trygging fyrir því.

[Valmundur Valmundsson, 20.11.2011 kl. 12:33]

Dimmur ertu Nilli.

[Níels A. Ársælsson., 20.11.2011 kl. 19:38]

Nei alls ekki. Rökstuddu málið fyrir mig og við skulum sjá til

[Valmundur Valmundsson, 21.11.2011 kl. 13:37]

Sæll Nilli.

Segjum að það fáist í gegn að allur fiskur veði seldur um fiskmarkaði.

Í fyrsta lagi segist vinnslan sem á útgerð fara á hausinn ef það væri gert. Með því að aðskilja útgerðarhlutann frá vinnslunni myndu þeir spara sér hellings kostnað. Og í beinu framhaldi af því geta keypt dýrar á markaði. Common sence.

Í annan stað held ég að með valdboði séu menn að skjóta sig í fótinn. Alltaf finna menn leiðir framhjá lögum. Betra að gera þetta með vissu frjálsræði undir eftirliti.

Svo má líka hugsa sér afurðaverðstengingu. Ef ekki verður farið alla leið að bjóða allt upp á markaði, sem mig grunar að verði ofaná, er hægt að fara þá leið að afurðaverðstengja.

Allur fiskur á markað er stórt skref að taka. Myndi í einhverjum tilfellum riðla markaðsstarfinu sem nú gildir. Þ.e. erfiðara að semja fram í tímann vegna óvissu um aðföng. Fæ ég fisk eftir viku eða mánuð til að fylla upp í samninginn minn?

En öllum kerfum má breyta, ekki breytinganna vegna, heldur ef það skilar árangri.