Myljast inn aurarnir.

Moren.

Nú myljast inn auranir í Verstöðinni. Ekki veitir af. Dómararnir voru að fá kauphækkun. Loðnan flæðir um vinnslustöðvarnar og bræðslurnar. Trollararnir allir að landa. Misjafnt hjá þeim eins og gengur. Þórunn Sveins gerir það ekki endasleppt frekar en fyrri daginn. Með tæp 110 tonn á rúmum fimm sólarhringum.

Þess má geta að Þórunn fór á sjó á föstudaginn s.l. þegar Herjólfur hætti við seinni ferðina. Er Herjólfur þó mun stærra skip en Þórunn. Rauði herinn með 40-50 tonn hver. Bergur er byrjaður aftur og landaði í morgun. Svo er ágætt í netin hjá þeim þremur sem það stunda. Sá guli farinn að sjást í bland. Portlandið er á snurvoð og sæmilegt ýsukropp í fjörunni.

Uppgripaafli er nú víða um land og er þorskurinn áberandi víðast hvar.

,,Harmar hlutinn sinn, hásetinn." og fleiri.

Athugasemdir

[Eyjólfur G Svavarsson, 18.2.2011 kl. 17:47]

Ég hefði nú ekki hrópað húrra fyrir 110 tonnum á fimm sólarhringum. Þú hlýtur að hafa misskrifað þetta eitthvað, Valmundur.KV Bláskjár.

[Valmundur Valmundsson, 19.2.2011 kl. 15:17]

Sæll Eyjólfur. Ekki hrópaði ég húrra en 110 tonn á fimm dögum á þessum árstíma er assgoti gott og mjög gott í samanburði við hina trollarana.

[Valmundur Valmundsson, 19.2.2011 kl. 15:19]

Og Eyjólfur þetta þætti ekki mikið ef lagst væri í þorsk. Hann þvælist fyrir allstaðar um þessar mundir.