Ætlar enginn að segja neitt?

Moren.

Mér er eiginlega orða vant, aldrei þessu vant. Gjaldskrá Herjólfs til Þorlákshafnar liggur nú fyrir.

Samgöngubót okkar Vestmannaeyinga er að engu orðin og betur heima setið en af stað farið ef þetta á að vera svona.

Verð fram og til baka með Herjólfi til Þorlákshafnar fyrir tvo fullorðna með fólksbíl er kr. 13.782. Þetta verð er miðað við að tekinn sé klefi, bensín til Reykjavíkur og til baka.

Verð fyrir tvo með bíl í Landeyjahöfn með bensínkostnaði til Reykjavíkur og til baka er kr. 9.480.

Mismunurinn er kr. 4.302

Þetta er hin mikla samgöngubót okkar. Þegar ekki er fært í Landeyjahöfn er okrað á okkur til Þorlákshafnar og við getum auðvitað ekki annað en borgað. Skil ekkert í Eimskip að hækka ekki verðið í Landeyjahöfn til samræmis við verðið í Þorlákshöfn. Eða er kannski ekki ætlunin að hefja siglingar þangað á næstunni? Sá grunur læðist að manni. Hvatinn til siglinga á Þorlákshöfn er orðinn fullmikill finnst mér, á kostnað okkar sem nýtum þessa þjónustu, ef þjónustu skyldi kalla.

Tillaga mín er að hafnaraðstaða Herjólfs í Þorlákshöfn verði rifin og skipinu beitt í Landeyjahöfn. Nú er dæluskipið Skandia rétt ókomið og ætti að geta séð til þess að siglingar þangað verði mögulegar, þótt ölduhæðin fari yfir meterinn.

Athugasemdir

[Keli (IP-tala skráð) 10.2.2011 kl. 14:55]

Bara svona til að gera samanbur­ð á ver­ði fyrir ykkur hér er ver­ð fyrir 2 i klefa á milli Stockholms og Finnlands.

Helsingforskryssning

Kryssa till den trendiga, sevärda och populära finska huvudstaden.

I priset ingår

• Kryssning Stockholm–Helsingfors
• Del i C4-hytt

Från 75 kr/person

ætlar kanski Eimskip að taka á sig ICESAVE og láta eyjamenn borga

Kve­ðja

Keli

[Valmundur Valmundsson, 10.2.2011 kl. 19:23]

Sæll félagi.

Takk fyrir þessar upplýsingar. Svo er eitt í viðbót. Nú verða afsláttarkortin gefin út á kennitölu og sú kennitala verður að hafa lögheimili í Eyjum og þeir sem eru skráðir eru þar til heimilis mega nota afsláttarkortið, aðrir ekki. Í hnotskurn þýðir þetta að börnin mín fá engan afslátt ef þau vilja koma í heimsókn til Eyja. Þau borga kr. 2660 fyrir  manninn aðra leið en ég kr. 1607.

Eimskip (Vegagerðin) alla leið!!!

[Gísli Birgir Ómarsson, 10.2.2011 kl. 22:38]

Geta þessir sauðir hjá Eimskip bara sett þessa reglur eins og þeim þóknast ??

Nú hef ég ekki fylgst nægilega vel með þróun mála, þarf þetta ekki að fara inn á borð Samgöngumálaráðherra, eða hvað sem þessir jólasveinar heita í dag.......  Þetta er hrein og klár mismunun !!!

[Helgi Þór Gunnarsson, 11.2.2011 kl. 05:19]

Sæll Valmundur, við erum mikið sammála í þessu máli, en hvað er til ráða, það er bara spurning hvað eiga menn að fara djúpt í þá hugmyndavinnu, því rekstur Herjólfs er bara hnotskurður af vanda yfirvalda hér á landi.

Eimskip er á hausnum, ríkið sjálft líka, þannig að það er lýðurinn sem þarf að borga.

Stjórnunarhættir þeirra þarna í Eimskip er náttúrulega fyrir neðan allar hellur og skólp, þeir hafa siðgæði eins og hörðustu útrásavíkingar!

Ekki veit ég hvort það er betra að taka rekstur Herjólfs heim í byggð, en við gætum allavega skammað þá einhvern hér heima og bankað uppá hjá þeim, ef eitthvað er að, það er oft betra, en síðast þegar rekstur Herjólfs var hér heima, þá tíðkaðist nú allskonar sukk.

Ég hef verið mikið undrandi á siglingareglum gagnvart ferjum eins og Herjólfi, að það skyldi ekki hafa þurft kennitölu hjá fólki sem siglir með skipinu! Ég fatta bara ekki ruglið, mér finnst ekki skipta máli hvort er farið út að Klettnefi, upp í Bakka eða til Þorlákshafnar, allir eiga náttúrulega að vera skráðir um borð! Ekki satt?

Ekki er ég nú alveg með það á hreinu hvað skal gera gagnvart Herjólfi, ég held bara að best sé að gera hallarbyltingu á Íslandi, eða segja okkur frá Íslandi og gerast sjálfsæð þjóð. Sú umræða er víst aldargömul hér í Eyjum, það væri kannski ekki svo vitlaust, þá gætum við skammast hér innbyrðis í staðin fyrir að þurfa alltaf að röfla við 101 liðið!!!!!!!!

Kær kveðja