Takk fyrir það gamla...

Góðir bloggarar og aðrir vinir.
Um leið og ég óska ykkur farsældar á nýju ári þakka ég innilega fyrir það sem er að líða. Þetta hefur verið viðburðarríkt ár að mörgu leiti. Persónulega hjá mér og mínum hefur árið verið gott. Þó svo við hjónakornin séum orðin tvö í kotinu. Örverpið Valur Már er fluttur í borgina til Lindu sinnar sem er í krefjandi námi í háskólanum. Anna og Davíð eru flutt í Hofteiginn og una sér vel þar með Unu sína. Hún fær oft að koma í heimsókn til okkar í Eyjum og við höfum voa gaman saman.
Almennt má segja að ástandið í sjávarútveginum sé þokkalegt og sjórinn er að halda þessu þjóðfélagi á floti nú um stundir. En óvissan um auðlindina er óþolandi. henni verður að linna. Stefnan liggur fyrir frá sáttanefndinni en pólitíkusar þvælast fyrir sem fyrr og eru að verja einhverja einkahagsmuni eða eru í þrotlausu kjördæmapoti. Skamm á þá og snúa nú við blaðinu og klára dæmið.
Gangið hægt um gleðinnar dyr og munið hið fornkveðna; Öl er böl. ( lengi má böl bæta ) o.s.frv.

Athugasemdir

[Sigmar Þór Sveinbjörnsson, 5.1.2011 kl. 20:32]

Heill og sæll Valmundur og sömu leiðis Gleðilegt ár og takk fyrir bloggárið sem er liðið. Vonandi heldur þú áfram á nýju ári að segja aflafréttir úr Eyjum.

Ég vona að þið í Sjómannafélaginu standið ykkur í baráttuni um betri kjör sjómanna og ekki síður er það mikilvægt að halda uppi merki og mikilvægi sjómanna á Íslandi. þÁ er alltaf hægt að gera betur í öryggismálum sjómanna og Eyjamenn eiga að vera þar í forustu eins og síðustu áratugi.

Með baráttukveðju Sigmar Þór 

[Valmundur Valmundsson, 10.1.2011 kl. 13:10]

Sæll Simmi.

Tek undir með þér að nú verður að hamra járnið. Réttindabarátta sjómanna hefur kannski aldrei verið nauðsynlegri. Þó allt gangi vel núna til sjávarins þá verður að hafa vökult auga. Ekki gengur að sofna á verðinum þó allt sé í blóma.