Jólaspjall.

Moren.

Jæja nú eru jólin á næsta leiti. Fátt um fína drætti í fiskiríinu enda flestir hættir og búnir að binda og jólaskreyta. En Gandí kom að landi í morgun með eitthvað bland í poka. Grálúðu, karfa og gulllax. Drangavík sömuleiðis með 40 tonn og eru komnir í frí fram á annan í jólum. Þá er bara Jón Vídó eftir en hann kemur á þorláksmessu. Flestir ætla á sjó milli hátíða að ná í gullgáminn.

Menn eru í óða önn að skreyta skipin og eru þær skreytingar flottar og margvíslegar. Frár Ve 78 er þar engin undantekning. Falleg jólastjarna í einum brúarglugganum og í skipstjóraglugganum er jólasveinn með ljósi. Held að Sigmar Þröstur hafi sett sveinka þarna. En hann verður að svara fyrir afhverju það er jólasveinn er í skipstjóraglugganum!!

Athugasemdir

[Sigmar Þór Sveinbjörnsson, 23.12.2010 kl. 15:36]

Heill og sæll Valmundur, takk fyrir bloggsamskiptin á árinu. Merkilegt þetta með jólasveininn í  skipstjóraglugganum, er það staðgengill ??

Gleðileg jól og hátíðarkveðja

[Helgi Þór Gunnarsson, 25.12.2010 kl. 23:53]

Sæll Valmundur, ég verð að opinbera mína skoðun á jólaljósum um borð í skipum í dag, en mér finnst eins og útgerðamenn og sjómenn hafi misst áhugann á skreytingum á skipum sínum, hér áður fyrr þá hengdu menn seríu stafna á milli, nú er bara sett í glugga sem ekkert sést nema á bryggju kanti!

Gleðileg jólarest.