Verstöðin á þriðjudegi.

Moren.

Nú er ekki mikið líf við höfnina en þó er verið að lesta frosnar afurðir og Gullberg og Suðurey í löndun. Suðurey með rúm 60 tonn af blandi í poka og Gullberg með eitthvað svipað.Drangavík er farin á fiskitroll og hýrnar þá yfir sumum.  Svo er Perlan alltaf með fullfermi af sandi en hún byrjaði að dæla í Landeyjahöfn í morgun. Vonandi getum við farið að njóta okkar samgöngubóta von bráðar. Svo ætlar ríkið að rukka okkur fyrir dælinguna á sandinum. Réttlæti okkur til handa er það eina sem við biðjum um herra samgönguráðherra og borðaklippari, segi ekki meira. Og þó, ef þarf að moka snjó í Ártúnsbrekkunni í vetur, krefjumst við þess að borgarbörnin borgi það beint. Með heimsendum reikningi, stimpluðum í bak og fyrir frá borðaklippi sjálfum. En svona er okkur att saman, Íslendingum, í stað þess að vinna saman og gleðjast saman yfir góðum árangri.

Veðrið er þokkalegt en dimmt yfir og 12 stiga hiti. Á sama tíma í fyrra var Hellisheiðin ófær vegna hvassviðris og skafrennings. Ja svona er lífið, fullt af óvæntum uppákomum.

Athugasemdir

[Sigmar Þór Sveinbjörnsson, 13.10.2010 kl. 22:33]

Heill og sæll Valmundur, og takk fyrir góðan pistil.

kær kveðja

[Kristján Elíasson (IP-tala skráð) 13.10.2010 kl. 23:43]

Sæll Valmundur. Við Reykvíkingar borgum snjómoksturinnn í Ártúnsbrekkunni alveg eins og við Siglfirðingar borguðum snjómoksturinn af Aðalgötunni. Það er hinsvega firra að ætlast til að þið borgið dýpkun Landeyjarhafnar, hún er jú í "öðru landi". Að öðru sem kemur málinu ekkert við. Er ekki Sigurður Áss, verkfræðingur Landeyjarhafnar ekki sá sami Sigurður Áss sem stjórnaði "snilldarfjárfestingum" Lífeyrissjóðs Verkfræðinga sem nú er tómur?

[Helgi Þór Gunnarsson, 15.10.2010 kl. 06:53]

Sæll Valmundur, mig langar til að spyrja Kristján um þennan hluta athugasemdarinnar, sem hann segir í "öðru landi" hvað meina þú Kristján?

Ég get frætt þig um það Kristján að þetta er sami Sigurður áss, sem setti lífeyrisjóð verkfræðinga á hausinn.

kær kveðja.

[Valmundur Valmundsson, 15.10.2010 kl. 21:17]

Sælir allir. Kem seint inn vegna þess að ég var ekki í sambandi. En Stjáni minn við borgum öll fyrir snjómokstur á þjóðvegum Íslands en sérstakan skatt skal setja á okkur sem notum Landeyjahöfn, þ.e. Herjólf til að komast á þjóðveg eitt. Já og segja má að við búum í öðru landi og kannski má nota þetta í baráttunni. Takk fyrir þetta Stjáni.

[Helgi Þór Gunnarsson, 16.10.2010 kl. 09:42]

Þakka þér fyrir þetta Valmundur, ég skil núna hvað Kristján meinar, við vorum oft kallaðir útlendingarnir.

kær kveðja.