Bræluviku að ljúka.

Moren.

Nú líður að vikulokum og vikan hefur verið samfelld bræla og verður svo áfram. Frár landaði í morgun 35 tonnum og Dala Rafn líka með 65 tonn. Svo komu Smáey og Bergey um hádegi. Smáey með 40 tonn og Bergey með 65 tonn. Vídalín var einnig í landi og Drangavík sem er ennþá á krabbanum. Vestmannaey er kominn á veiðar aftur eftir hremmingar. Það tærðist olíurör undir lestargólfinu og kom olíufnykur í lestina. Leiðinda vandræði. Glófaxi er að fiska vel á skötuselnum, er kominn með 70 tonn í mánuðinum.

Helvítis vesen með Landeyjahöfn og Herjólf. En verum þolinmóð og það vinnur allar þrautir.

Eins og ég sagði í gær eru góðar fréttir af aflaverðmæti flotans fyrstu 8 mánuði ársins. Það gefur vonir um að komandi samningaviðræður verði ekki stál í stál heldur beri mönnum gæfa til að setjast yfir vandamálin og leysa þau og það hlýtur að verða auðveldara fyrir báða aðila að ná saman í ,,góðærinu''.

Athugasemdir

[Helgi Þór Gunnarsson, 30.9.2010 kl. 23:33]

Sæll Valmundur, innlitskvitt.

kær kveðja.

[Valmundur Valmundsson, 1.10.2010 kl. 12:43]

Sæll Helgi og takkfyrir innlitið.

[Sigmar Þór Sveinbjörnsson, 3.10.2010 kl. 18:26]

Heill og sæll Valmundur, gaman að fyljast með hvað vel fiskast og mikið fæst fyrir aflann nú á þessum umbrotatímum.

 Það sem kom mér mest á óvart í þessari færslu þinni var  eftirfarandi: Vestmannaey er kominn á veiðar aftur eftir hremmingar. Það tærðist olíurör undir lestargólfinu og kom olíufnykur í lestina. Leiðinda vandræði. Það er merkilegt að tæring sé komin í olíurör á svona nýju skipi, eða finnst þér það ekki ?

Annars alltaf gaman að fylgjast með aflafréttum frá Eyjum, takk fyrir það.

Kær kveðja

[Valmundur Valmundsson, 4.10.2010 kl. 14:35]

Sæll Simmi

Jú merkilegt að tæring sé í svona nýju skipi. En þetta er einhver smíðagalli að mér er sagt.