Siglingar í Landeyjahöfn.

Moren.

Siglingar í Landeyjahöfn eru bannaðar öllum skipum nema Herjólfi. Þetta er ákvörðun Siglingastofnunar. Að þeirra sögn meðan reynsla er að komast á siglingar Herjólfs þangað. Mér finnst þessi ákvörðun stofnunarinnar arfavitlaus. Virðist þjóna þeim tilgangi einum að Eimskip fái ekki samkeppni um fólksflutninga til og frá Eyjum. Minnir um margt á Loftleiðir á sínum tíma. Aðstöðuleysi í Landeyjahöfn fyrir smábáta er bagalegt en úr því er hægt að bæta með litlum tilkostnaði. Til er flotbryggja sem hentar vel þar og ekki mikill tilkostnaður að koma henni fyrir. Ef Siglingastofnun treystir sér ekki til að gera það getum við Eyjamenn gert það sjálfir. Nú eru þrjú skip í Eyjum með leyfi til farþegaflutninga. Herjólfur, Viking og ofurtuðra þeirra í Ribsafari. Viking og Ribsafari eru ofurseldir ægivaldi Siglingastofnunar sem í raun stendur starfsemi þeirra fyrir þrifum. Einungis Herjólfur má sigla í Bakkafjöru.

Það getur ekki gengið til lengdar að loka einni höfn landsins fyrir umferð og er í raun alveg stórfurðulegt. Ef Siglingastofnun og Eimskip eru hræddir við að tuðrur og önnur skip flækist fyrir Herjólfi í Bakkafjöru má setja reglur um að siglingar séu bannaðar hálftíma fyrir og eftir að Herjólfur kemur og fer úr Bakkafjöru. Í annan tíma má sigla eftir nánari reglum. Ég ítreka að fyllsta öryggis verður alltaf að gæta. Þegar flotbryggjan er komin og stígur uppá plan er ekkert því til fyrirstöðu að leyfa siglingar annara skipa en Herjólfs í Landeyjahöfn.

Flotbryggjan er til og menn tilbúnir að koma henni fyrir og ekki trúi ég því uppá Siglingastofnun að þeir komi ekki að því að gera aðstöðuna sómasamlega úr garði. Reyndar ákalla ég sveitunga minn og samgönguráðherra að höggva nú á hnútinn og klára málið.

Athugasemdir

[Árni Sigurður Pétursson, 26.7.2010 kl. 12:52]

Tjahh á sinn hátt er ég nokkuð sáttur við þetta.

þar sem að þessi 2 fyrirtæki, Viking  og Ribsafari koma til með að hirða rjóman af flutningum þegar að gott er veður (nú er ég að tala um almennt, ekki einungis þjóðhátíð)

sem að þýðir nákvæmlega ekkert annað en færri með Herjólfi.

hvað þýðir það, þegar að það þarf að fjölga ferðum með herjólfi þá bendir vegagerðin á það að þess þurfi ekki, koma til með að benda á það að það sé næg flutningsgeta, sem að þar á meðal er vegna þess að rjómin af flutningunum fer annað.

nákvæmlega sama kemur þegar að það stendur til með að biðja um að lækka verðið, það sé ekki hægt.

ég hef nákvæmlega ekkert á móti hvoru fyrirtæki fyrir sig, bara svo að það komi á hreint og vil endilega að þau haldi bæði siglingum áfram í kringum eyjuna EN vill að þau taki farþegana hérna og skili þeim hérna.

leyfa farþegum að koma og fara frá eyjum með herjólfi.

[Valmundur Valmundsson, 26.7.2010 kl. 13:18]

Sæl Árni.

Fyrir það fyrsta er mklu dýrara að ferðast með hinum tveimur en Herjólfi og ekki hægt að taka bílinn með og takmarkað af farangri.

Í annan stað setur veðrið þeim skorður miðað við núgildandi reglur um ölduhæðina. Þessi tvö skip taka held ég ekki neitt af Herjólfi heldur eru spennandi kostur við ferðaflóruna í Eyjum.

Í þriðja lagi þá ættu þeir að fá að taka farþega í Bakka og skila þeim þangað.

[Beggi (IP-tala skráð) 27.7.2010 kl. 12:57]

Ætla að árétta að ég er ekkert á móti því að aðrir en herjólfur sigli þarna uppeftir. En þar sem að flotbryggja kæmi til með að nýtast einkaaðilum mest að þá er það að sjálfsögðu á hendur einkaaðila sem vilja hafa tekjur af því að sigla þarna uppeftir að borga þessa framhvæmd. Ég er bara ekkert sáttur við það að mitt útsvar fari í að borga smábátabryggju sem aðrir koma til með að hafa tekjur af. Þetta er andstætt stefnu sjálfstæðisflokksins og þess vegna skil ég ekkert í því hversvegna Elliði og sjálfstæðisflokkurinn leggi blessun sína yfir þetta. Og að lokum ætla ég að ýtreka það að ég hef ekkert á móti smábátabryggju í landeyjahöfn, mér finnst bara vafasamt hvaðan á að sækja peningana. Er það ekki frekar gáfulegra að þessir peningar komi úr vasa þeirra aðila sem sækja sem fastast að varðandi bryggjuna, eða bara hreinlega að Rangárþing eystra pungi út fyrir þessu, þar sem þeir vilja þarna trillubryggju til að róa út frá.. Ég kaupi alveg rökin með öryggisþáttinn, en þá ætti líka að vera nóg að Vestmannaeyjabær mundi borga lítinn hluta og svo Rangárþing og einkaaðilar stærsta hlutann.

[Valmundur Valmundsson, 27.7.2010 kl. 13:33]

Sæll Beggi.

Ef þú hefur miskilið mig þá verður svo að vera. Einkaaðilar hér og uppá landi eru tilbúnir að koma að því að fjármagna flotbryggju í Bakkafjöru en samkvæmt svörum Siglingastofnunar er það ekki á dagskrá. Trillubryggja kemur ekki til greina í Bakkafjöru meðan þar er ekki hafnarvog. En mest um vert þætti mér að Hafnarsjóður Vm. væri með rekstur hafnarinnar á sinni könnu og fengi tekjur af henni. Værirðu þá sáttur við aðkomu bæjarins??

[Valmundur Valmundsson, 27.7.2010 kl. 13:41]

Ps. Beggi.

Svo segir nú einhversstaðar í stefnuskrá sjálfstæðisflokksins að gera eigi enstaklingum kleift með öllum ráðum að vera ,,frjálsir einstaklingar'' og þeir geti stundað sjálfstæðan rekstur og haft fullt frelsi til athafna.

Fullt frelsi er ekki í gangi í Bakkafjöru, það er nokkuð ljóst.

[Beggi (IP-tala skráð) 27.7.2010 kl. 16:52]

Kórrétt hjá þér Valmundur með stefnuskrá sjálfsstæðisflokksins. En frelsi einstaklingsins hefur ekkert að gera með afskipti sveitarfélaga eða ríkisins af einkaframhvæmdum eða verkefnum sem þessum, heldur aðeins að búa fólki í landinu regluverki í bönkum og öðrum stofnunum sem auðvelda þeim að ráðast í verkefni sem þessi. Hvað varðar spurninguna þína, að já þá finnst mér það lágmark að vestmanneyjahöfn hefði af þessu tekjur ef þeir myndu fjármagna þetta upp í topp. En mín skoðun breytist ekkert, ef þetta er svona skotheld hugmynd að þá ætti það ekki að vera neitt vandamál svo lengi sem öll leyfi næðust í gegn, að einkaaðilar færu í þetta.....

[Valmundur Valmundsson, 27.7.2010 kl. 17:06]

Leyfin eru vandamálið.