Makríll og fleira góðgæti.

Moren.

Hitasvækja skekur nú Verstöðina og menn svitna eins og í sauna.

Það er að frétta að Bergey/Vestmannaey eru hættir á makríl og farnir á fiskitroll. Makríllinn kom ágætlega út hjá þeim og greinilega hægt að veiða kvikindið með skipum af þessari stærð. Verðið er þó varla nógu hátt en það gæti breyst með tíð og tíma þegar menn hafa náð tökum á þessum veiðum og vinnslu og ekki síst sölunni á afurðunum. Gandí landaði rúmum 500 tonnum af frosnum makríl um helgina. Sighvatur og Kap lönduðu í dag 2400 tonnum í bræðslu. Geta verður þess sem vel er gert: Náðst hefur samkomulag um verð til bræðslu í síld og makríl milli VSV og sjómanna og eru menn þokkalega sáttir. Fleiri samningar eru í burðarliðnum og vonandi ganga þeir vel.

Frár er hættur fram að kvótááramótum en þeir lönduðu þrisvar í síðustu viku. Siggi Bessa SF var hér í morgun að landa makríl sem hann veiddi á handfæri en þeir eru vel útbúnir til þessara veiða. Var með 12 kör af kældum makríl sem fór til vinnslu í Godthaab. Fóru þeir á Sigga Bessa víða um við suðurlandið og enduðu við Bjarnareyjarhornið í snörpum fiski. Já hann er allstaðar makríllinn. Nú verðum við að finna fleiri markaði fyrir kvikindið því hann virðist vera kominn til að vera og auðvitað verðum við að nýta það sem svamlar hér um höfin innan okkar lögsögu. Humarveiðar ganga ágætlega á Eldeyjarsvæðinu en eithvað brennur líklega inni af kvótanum vegna tregfiskirís í júní. Svo er stóra spurningin hver fær það sem inni brennur á næsta kvótaári. Nonni hólabiskup væri vís til að setja humarinn í strandveiðar miðað við æfingarnar á honum undanfarið.

Athugasemdir

[Keli (IP-tala skráð) 20.7.2010 kl. 17:28]

Er það ekki besta mál að gefa þann kóta frjálsan, sem sægreifarnir geta ekki fiskað

[Valmundur Valmundsson, 21.7.2010 kl. 08:48]

Jú að sjálfsögðu fyrir 2 árum veiddi enginn rækju og þá átti að gefa rækjuveiðar frjálsar. Á þessu fiskveiðiári hafa kvótahafar veitt nánast allan rækjukvótann, þannig að ráðherrann er tveimur árum á eftir líkt og Hafró.