Bara blíða.

Kvöldið.

Jæja nú eru pungarnir farnir til makrílveiða, þ.e. Bergey/Vestmannaey að tvílembast. Dala Rafn fór aleinn á makríl og spennand að fylgjast með hvernig gengur.

VSV skirrist við að hækka verðið í bræðsluna, eru komnir í 32 kr. en aðrir sem gera út á að bræða borga kr. 37-39 fyrir makrílinn.

Svo er kapítuli út af fyrir sig að taka kr. 5 af þeim sem veiða fyrir að flytja aflann í land með Ísleifi. Báðir aðilar hagnast og ekki síst útgerðin. Á ekki að líðast á 21. öld.

Ef þetta lagast ekki þá verður ,, verðinu '' sagt upp og við vísum til Verðlagsstofu skiptaverðs.

Ég trúi því ekki að óreyndu að enn einu sinni  verði borgað lægsta verð fyrir uppsjávarfisk í Verstöðinni.

Athugasemdir

[Valmundur Valmundsson, 13.7.2010 kl. 20:53]

Ps. Frár landaði 60 tonnum mest ufsa og ýsu. Smáey með svipað og Suðurey með tæp 80 tonn mest ufsa.

[Sjómaður í Vestmannaeyjum (IP-tala skráð) 14.7.2010 kl. 16:00]

Af hverju hefur þetta alltaf verið svona hérna í eyjum með þessi verð. Ráða þeir algjörlega verðinu sjálfir. Ef þeir gera það, afhverju borga þeir þá ekki 10 krónur fyrir kílóið. Ég myndi allavega gera það ef ég mætti ráða verðinu og ætti fyrirtækin.

Svo hefur maður heyrt að Berg-Huginn bátarnir séu að fá 80-130 kr/kg fyrir makrílinn til vinnslu í landi (a.t.h. bara sögusagnir). Hvaða sanngirni er það fyrir kallana á Sighvati og Kap sem fá 40 eða 50 kr/kg eða hvað það nú er. Nákvæmlega sama vinnsla í gangi.

Sjómenn eiga ekki að líða fyrir það hvernig afurðasamning fyrirtækið þeirra er með. Fyrirtækið á að líða fyrir það ef þeir eru með verri samninga en einhver önnur fyrirtæki fyrir afurðir. Þau eiga þá að gera betur og reyna að fá hærra verð úti.

Allan fisk í gegnum verðlagsstofu. Ekkert mehe með það.

P.S. VSV borgar 10-25% minna fyrir humar heldur en Rammi í Þorlákshöfn...

Svo gorta menn sig af 900 milljón króna hagnaði. Það er ekkert skrýtið!

[Valmundur Valmundsson, 14.7.2010 kl. 18:28]

Sæll Sjómaður.

Sammála það er skömm fyrirtækjanna í Eyjum að vera alltaf lægstir í fiskverði til sinna sjómanna. Einhvernveginn hefur sú rökvilla grafið um sig að sjómennirnir hafi nóg laun og þurfi ekki meira. Kannski er leiðin að aðskilja veiðar og vinnslu, þannig að vinnslan borgi samkeppnisfært verð fyrir aflann.

En sjómennirnir eiga að vita að ekki má róa fyrr en samningur um verð liggur fyrir. Fax af skrifstofunni er ekki nóg. Ef samkomulag næst ekki þá getum við vísað til Verðlagsstofu sem ákvarðar þá verðið, sem báðir aðilar verða að hlýta.

[Sjómaður í Vestmannaeyjum (IP-tala skráð) 14.7.2010 kl. 19:28]

Sæll.

Ég er sammála þér með aðskilja veiðar og vinnslu eins og eru lög um í Noregi að ég held. Sigla bara þangað sem hæsta verð fæst.

Annars verður að semja um það í næstu samningum að verðlagsstofa taki til sín mun fleiri tegundir í verð.

Ufsi, loðna, síld, kolmunni, makríll, humar og rækja eru tegundir sem útgerðin ræður verði á og enginn getur sagt neitt nema vera rekinn. Það er nú ástæðan fyrir því að ég skrifa ekki undir nafni hér.

Kv.

[Valmundur Valmundsson, 15.7.2010 kl. 08:07]

Sæll aftur.

Verðlagsstofa er loksins farin að virka eftir langt tímabil sem einkenndist af almennun aulagangi og vanþekkingu starfsmanns stofunnar. Nú er kominn alvöru starfsmaður sem kann að reikna og veit út á hvað þetta gengur.

Þetta mjakast og nú er ufsinn kominn undir verðlagsstofu. Í næstu samningum, um áramót hlýtur ein helsta krafan að vera að allur fiskur verði seldur á markaði og til vara að allar tegundir fari undir Verðlagsstofu, ásamt auðvitað sjómannaafslættinum.

[Sjómaður í Vestmannaeyjum (IP-tala skráð) 15.7.2010 kl. 11:18]

Sæll.

"Allur fiskur á markað" myndi aldrei ganga upp á Íslandi, því miður. Það er nú þannig að örfáar útgerðir eiga orðið allan loðnu, síldar, kolmunna, humar og rækjukvóta landsins.

Þessar útgerðir hafa sérhæft sig til vinnslu þeirra afurða og enginn annar í sjálfu sér getur farið að bjóða í þeirra farma. Enda yrði það algjör vitleysa að láta kannski HB-Granda kaupa af Álseynni síld og hún myndi keyra þangað á meðan myndi Ísfélagið kaupa af Faxanum og hann myndi sigla til eyja. Kæmi niður á sama stað myndi ég halda. Eða láta Brynjólf VE landa humri í Þorlákshöfn og Fróða ÁR í eyjum. Neee..... ætli það.

Gengi kannski upp með hinar hefðbundnu botnfisktegundir en kæmi alltaf á sama stað niður. Meira yrði bara um fiskflutninga milli landshluta og fiskurinn yrði síður ferskari til vinnslu. Lélegra hráefni. VSV færi kannski að kaupa þorsk frá Samherjabát fyrir norðan og Gunnvör á Ísafirði að kaupa ýsu frá Suðureynni. Svo að flytja allt á milli staða.

"Allur fiskur á markað" gengur ekki upp nema að aðskilja veiðar og vinnslu. Þannig er það nú bara.

Takmarkið á að vera: Sama verð allsstaðar á landinu fyrir fisk sem er seldur milli skyldra aðila.

Annars segir þú hér að ofan að enginn skal fara á sjó nema verð skuli vera komið. Ef áhafnirnar mæta ekki um borð þegar á að fara, þá eru bara fengnir aðrir í staðinn. Svo einfalt er það nú.

Eða eins og ónefndur útgerðarstjóri hér í bæ orðaði það svo skemmtilega:

"Það verður að fara að taka til þarna um borð. Gengur ekki að borga mönnum tryggingu."

Kveðja,