Fjörið að byrja.

Moren.

Jæja nú byrjar fjörið góðir hálsar. Reyndar byrjaði "sjómannadagshelgin" í gær með bikarleik ÍBV og KR sem við töpuðum naumlega. Í kvöld opnar Finnur teiknikennari sýningu á olíu málverkum í Akóges, alltaf glæsilegt hjá Finni. Berglund Kristjáns opnar glerlistasýningu á morgun. Svo eru menn byrjaðir að æfa kappróðurinn á fullu og komin eru nokkur lið í fótboltann á morgun. Hvet alla Vestmannaeyinga til þáttöku í hátíðahöldunum.

Sjómannadagsblað Vestmannaeyja er komið út undir styrkri stjórn Júlla Inga. Vandað að venju. Fimmti flokkur ÍBV mun sjá um sölu á blaðinu og Frjálsíþrótta Ægir félagið um sölu á merkjunum. Það eru margir sem safna hvoru tveggja.

Annars er það að frétta að Drangavík landaði í morgun fullfermi um 60 tonnum. Vestmannaey með sama 60 tonn og Dala Rafn með 50 tonn. Brynjólfur var líka í landi. Vídalín landaði í gær um 80 tonnum.

Athugasemdir

[Ólafur Ragnarsson, 3.6.2010 kl. 22:36]

Sæll vinur . Eigum við ekki að segja:"fall er fararheill" Þetta með knattspyrnuleikinn.  Hátíðarhöldin í tilefni Sjómannadagsins takist þess betur.  Ávallt kært kvaddur

[Valmundur Valmundsson, 5.6.2010 kl. 17:16]

Sæll gamli skápur.

Helgin hefur byrjað frábærlega allt gekk upp á bryggjunni í dag og svo er bara að taka það óklárt í Höllinni í kvöld og snúið niður á 80 faðma!!!!