Norðan nepja í Verstöðinni.

Daginn.

Nú er kalt í Verstöðinni, fimm stiga frost og norðan 12 m/s þá er kalt. Guðmundur er að landa 1000 tonnum til kreistingar og 850 tonnum af frystu. Júpiter var að klára 900 tonn og Álsey var með 800 tonn í gær. Hrognavinnslan komin á fullt hjá Ísfélaginu. Kapin er að landa hjá Vinnsló og gamla Kapin er nýfarin og á að sitja fyrir loðnunni úti í kanti, hún er veiðarfæralaus og má segja að hún sé fljótandi ASDIC fyrir flotann.

Lýst vel á tillögur Finnboga Vikars í Silfrinu í gær. Sjómannasamtökin komu fram með svipaða hugmynd í haust, nema að veiðiskyldan verði 100%.Það verður að höggva á hnútinn sem er orðinn hálfgerður rembihnútur. Til mikils er að vinna að slá fyrningu útaf borðinu. Það veit enginn hvar sú della endar.

Athugasemdir

[Helgi Þór Gunnarsson, 23.2.2010 kl. 14:32]

Sæll Valmundur, innlitskvitt!

Kær kveðja.

[Baldur Benónýsson (IP-tala skráð) 23.2.2010 kl. 14:56]

Flottar loðnufréttir bróðir sæll.

kv.frá ak.

 p.s. fann þessa síðu um daginn, flott síða!! það er fylgst með henni daglega hér á heimilin!!