Verstöðin á miðvikudegi.

Moren.

Blessuð blíðan alltaf hreint. Kallinn grillaði í gær á svölunum. Gullberg landaði í morgun 65 tonnum mest þorskur. Suðurey var með fínan afla 65 tonn blandað að austan.

Loðnukallar eru ennþá rólegir þó inn við beinið vildu þeir vera farnir að fiska og það mikið, en reyna á að hámarka verðmætin og bíða eftir að hrognafyllingin verði næg til að kreista.

Ágætis ýsukropp í Lónsbugtinni hjá togbátunum og einhverjir koma á morgun. Gandí er á netum og þorskurinn er mættur á slóðina 25 tonn í tveimur lögnum lágu hjá Magga og félögum. Brynjólfur leggur í dag. Glófaxi er að gera klárt. Huginn að Deplast.