Salan á BH

Moren.

Jæja nú er sumarfríið búið. Ekki er hægt að segja að fréttirnar um söluna á Berg-Huginn séu gleðitíðindi fyrir okkur Eyjamenn. Gleðitíðindi fyrir Norðfirðinga að sjálfsögðu. Svona virkar kvótakerfið stundum. Kannski ágætis áminnig um ófullkomið kerfi og hvernig það getur snúist upp í andhverfu sína. Orðið að skrýmsli sem við ráðum ekki við.

En niðurstaða Magnúsar Kristinssonar og Landsbankans að selja fyrirtækið úr bænum er forkastanleg ákvörðun. Vegna þess að hér í bæ eru fyrirtæki og fólk sem hefur fulla burði til að eiga og reka fyrirtæki eins og Berg-Huginn. Ekki var látið á það reyna hvort vilji væri til að heimamenn kæmu að kaupum á BH. Það er grafalvarlegt mál að 35-40 fjölskyldur missi atvinnuna. Menn hefðu átt að huga að því áður en ákvörðun um sölu var tekin. Hafi þeir ævarandi skömm fyrir.

Mér er andskotans sama um gamlar væringar milli stórfyrirtækjanna hér á árum áður og sameiningarbrölt þeirra á sínum tíma. Þá stríðsöxi á auðvitað að grafa þegar svona miklir hagsmunir bæjarbúa eru í húfi.

Eins og málið lítur út fyrir mér, átti auðvitað að bjóða heimamönnum fyrirtækið til kaups. Allt tal um að Landsbankinn hafi neytt eigendur BH til þess að gera þetta svona, vísa ég til föðurhúsanna. Enginn hér vissi um þennan gerning og heimamenn gátu þar af leiðandi ekki haft áhrif á hann. ( Bankaleynd?)

En niðurtaðan er þessi hvort sem okkur líkar betur eða verr og eitthvað segir mér að svona verði þetta, þrátt fyrir að við mótmælum hástöfum. Móðurfélag Síldarvinnslunnar, Samherji, hefur hingað til fengið það sem þeir vilja þegar kemur að því að kaupa aflaheimildir og fyrirtæki í sjávarútvegi á Íslandi og annarsstaðar.

Bærinn hótar málssókn og er það vel, að láta reyna á forkaupsrétt sveitarfélagsins á BH. En hve lengi verður málið fyrir dómstólum ef það fer þá leiðina? Líklega um tvö ár ef ekki lengur. Á meðan fer BH hægt og sígandi frá okkur til annara sem Landsbankinn hefur velþóknun á.

Ísland best í heimi.!!!!

Athugasemdir

[Jón Ólafur (IP-tala skráð) 3.9.2012 kl. 14:22]

Það er alveg kýr skýrt, að bærinn á forkaupsrétt á kvóta og skipi, lögin eru alveg skýr,þetta þras að um hlutafélag er að ræða, er bara bull og það veit Landbankinn.

Ég spái því að þegar bankaleind verður aflétt af kaupverðinu, verði margur maðurinn hissa.

Ég hef meiri áhyggjur af Lundanum sem er að hverfa,það verður að gefa netaveiði á makríl algjörlega frjálsar kringum Eyjarnar næsta sumar, því sílið er ekki óþrjótandi, þetta virðist vera eina leiðin til að bjarga Lundanum.